بعض الصور الهامه للمبتدتين

mohamed الإثنين يونيو 02, 2008 2:09 am

والصور السابقه هى لربط الشعر فى السن
اما هذه هى لربط الشعر

اما هذه الصور فهى لبض المكن

وهذه بعض صور البوص

بعض صور السن

__________________

mohamed الإثنين يونيو 02, 2008 2:10 am

يفضل شطف المكن بعد كل استعمال مالح و ذلك بالماء الدافىء لأزالة اى أثار للملح و لعدم تكوين اى صداء بالماكينة و كذلك الحفاظ على الخيوط لان الملح ياكلها و هو اكبر عدو للعدة
يراعى فى عملية الشطف ان تكون خارجيا فقط يفضل عدم دخول الماء الى الداخل عن طريق الحلة و جسم المكينة و تاكد من تحريك الذراع و الطوق اثناء الغسيل
2- بعد انتهاء موسم الصيد و هاتركن العدة شوية يمكن عمل صيانة داخلية للمكينة و ذلك بفتح علبة التروس و غسيلها جيدا بالبنزين ( ليس الجاز لأنه بياكل الجوانات الكاوتش) و فرشة اسنان و ذلك لأذابة الشحم القديم و التاكد من عدم وجود اى ذرات رمل بالداخل لأن الرمل بياكل التروس و الأصلى مافيش احسن منه
بعد ذلك يتم تشحيم التروس بالشحم و زيت المكن (زيت مكن الخياطة ممتاز) و هذه الخلطة لأن الشحم المتوافر فى مصر تقيل شوية و بيحتاج لتخفيفه مع الزيت كى لا يؤثر على سرعة المكنة
ثم غلق الماكينة و عامة انا عامل لكل ماكينة كيس قماش اضعها فيه زيادة فى المحافظة عليها و ممكن كيس بلاستيك.
لو فى مشكلة فى التعامل مع الماكنة فى الفتح و الصيانة ممكن نوديها عند محل محمد امين فى وسط البلد و هو بيقوم بالازم.
تجنب اثناء الصيد ترك الماكينة على الرمل فى حالة الصيد من على الشط و عدم وجود حامل البوص المعدنى
[النسبة لصيانة البوص الفيبر عامة يم غسله جيدا بالماء فقط ممكن فى البانيو و تفتح الطبة الخلفية للبوصة و يتم ادخال الماء من عند الحلفات حتى تمتلىء ثم ترج زى قزازة البيبسى و بعدين تشيل ايدك حتلاقى بلاوى نازلة و كررها لحد لما تحس ان الميه اصبحت نظيفة ثم يتم فردها و تجفيفها جيدا بفوطه ناشفة و تترك يومين او تلاتة فى مكان مشمس بلكونة مثلا لتجف تمامامن المياه الموجودة داخل كل عقله لأن التنشيف بالفوطة بيكون خارجى فقط انما كل عقلة مازالت مبللة من الداخل
هذه العملية مهمة لأن الملح يتسبب فى صدى الحلقات و المياه اذا لم تجفف جيدا ستظهر فقاقيع صغيرة على الفايبر ينتج عنها تقشير جزء من الدهان و الطبقة اللى بتحمى البوصة و صدى الحلقات ممكن يتسبب فى قطع الخيط لأنه المعدن اصبح خشن و الجذب و الشد مع السمكة ممكن يقطع الخيط لذلك لة البوصة اللى بتستعملها فيها حلقات مصدية برجاء تغييرها
بالنسبة للحدافات يكفى غسلها و نقعها جيدا فى ماء دافىء لأزالة الملح من عليها
مكم الجر يكتفى بغسله جيدا كالمكن العادى لأنه محكم الغلق و الصانة الداخلية كل 5 او 6 سنين لأن فيه عادة مزيته.
ارجو ان تكون المعلومات التى قدمتها ستفيد سيادتكم لأنى باعتقد ان العدة هى اللى فى ايدينا و ان السمك ده ارزاق من عند ربنا سبحانه و تعالى

mohamed الإثنين يونيو 02, 2008 2:10 am

قبل اي حاجة صيد السمك بتختلف حسب نوع المياه اللي انت بتصتاد فيها وحسب نوع السمك الموجود بيها وانت بتصتاد بطعم ايه ؟؟؟ دي اهم ملاحظات في الصيد
هنفترض اننا بنصتاد بمياه عذبة يبقي ايه الطعم اللي ممكن نصتاد بيه

الدود البلدي

دا بقي في اي مكان وفي اي وقت تصتاد بيه عادي لانه رائحته بمتميزة وبتخلي السمك يجي عليه بس عادة بيدخل عليه السمك الصغير ونادر لو دخل عليه سمك كبير ودا ممكن يطلع كل حاجة في المياه العذبة زي ايه مثلااااا
البلطي -- القراميط -- البياض -- المبروكة -- الحنشان -- الخدال او الرعاش -- البياض --العرسة --

كل دا ممكن ياكل الدود بس في حاجات مفضله لكل نوع من السمك داااا يعني هوة اه بياكل الدود البلدي بس مثلاااا سمك البياض يحب الدود الافرنجي وبردوا الحنشان و الخدال

الدود الافرنجي

دا بقي احلي صيادة بلليل للسمك الكبير الدودة طولها ممكن يوصل الي 10 او 20 سم ولو المياه ماشية وفيها سمك احجام بطعم حبل الطعم كله في السن ويستحسن تنزل بيه حداف بس عايزة صبر شوية

انما لو السمك اللي في المنطقة قليل زي الشبار الصغير او الكراكير في بتقلل الطعم شوية يعني الحبل علي سنين عشان تبقي معقوله علي قد بق السمكة

الغله

دي بقي ليها طرقتين لتحضيرها ...
تغليهاااا لغيت اما تطري شوية بس متلحقش تنفس او .... تتنقع في مياه لمدة لغيت بردوا اما تطري شوية وفي ناس بتنقعها مع شوية سكر او بتزفرها مش هتفرق
دي بقي صيادتها الصبح للسمك الكبير وبدخل عليها السمكة النظيفة يعني مش بتاكل اي حاجة زي البلطي الوسط والكبير والقراميط والبياض وانواع اخرى

طرية الصيد بيها بدر كف من الغلة امامك علي سطح المياه وبدر نصف كف امامك مباشرة بحيث جزء من الغله يكون علي الارض وعلي حواف المياه بحيث السمك يشوفها بس مش يقرب منها اسمها مرايااااا
وبتبعد عن الدور دا لمدة ربع ساعة مثلااااا وبعدين تيجي تنزل بالغله تصتاد كل حباية علي طرف السن يكون سن كبير نرويجي يستحسن والتقل خفيف جدااا اخف حاجة وعوامة خفيفة بردوا وتبعد عن الدور بزاوية وترمي السنارة بعيد عن الدور وتقربها ببطىء لغيت اما ترسي في المكان اللي انت رامي فيه الغله واول اما يغطس العوامة تضرب في عكس اتجها بس بعقل خفيف خفيف
وكده تبقي صياد تمام بس اللي يبوظ الدور انك تعمل دربكة كتير فيه وسمك يفرغ منك يعني تصتادة ويقع تاني في المياه

في بقي حاجات تانية زي ... الخضار .... العجين .... الذرة بس قبل الشوي

عايز تعرف اذا كانت المنطقة دي حلوة لصياده السمك

انت هتشوف حواف المياه تمام ويستحسن تكون حته جنبها ريم او ورد نيل او زرع لان السمك بيحب يستخبي تحت الريم بس يكون بكميه قليله يعني

كمان المياه تكون ماشية بس ببطء شوية مش سريعة اوي

منسوب المياه يكون متوسط لو عالي صعب الصيد فيه لان السمك الكبير بيقل

يعني باختصار تكون المياه في وضعها الطبيعي لان في بوابات طبعا للترع والانهار الضيقه اما تتفح هذة البوابات او تتغلق كتير بتعمل قلق للسمك ولكن يستحسن ان تكون البوابات مفتوحة بنسبة معقوله
_________________

بعض الصور الهامه للمبتدتين

بعض الصور الهامه للمبتدتين

رد: بعض الصور الهامه للمبتدتين

رد: بعض الصور الهامه للمبتدتين